Shillong, Kyllalyngkot 31: Ki don 4 ngut ki kyrtong ka Congress ha ka 31 Tarik ki la wan ban pyndep ia ka jingthep kyrteng Jong ki ha ISBT Mawiong, na ka bynta ban aireng ha ka MDC election na ka bynta ka Khasi Hill Autonomous District Council (KHADC) kaban sa long ha ka 21 Tarik Rymphang 2025 .
Ki kyrtong ka Congress ki kynthup ia u bah Banphira Basaiawmoit na Mylliem Constituency, u bah Manuel Badwar na Laitumkhrah-Malki constituency, u bah Gerald Shullai na Jaiaw constituency bad u bah Wanseng Jyrwa na Mawlai Constituency .
Ha ka ba ioh ban ia kren bad u bah Banphira Basaiawmoit u la ong ba haba ngi la mih sha madan ban iakhun ngi kyrmen ban poi sha ka thong Jong ka jingjop , bad kane ngi kren kat Kum ka jinghikai ba la ioh na ka party .
U la ong ” Kumba ngi iohi ba ha Uttrakhand 27 kyllalyngkot ki la pynlong ain ia ka Uniform Civil Code , bad ha ka Jylla Jong ngi ki ong ban pynlait ia ka jingtreikam ka UCC tang ia ki jaka ba treikam ka 6 schedule kumta ka thong ba ngi mih ban iakhun ia kane ka election ka long ban pynkhlain ia ki ain ka 6 schedule , khnang ba ka jaitbynriew lada ka iatyngkhuh ha kano kano ka khim kan don ia ki lad jingiada kat ba dang don ka por”
Haba kren halor ki mat treikam ha District Council, u la ong ba ki kam kiba ha khmat duh hi ki long ban pynkhlain ia ki ain ki ba lada ia tyngkhuh bad ki Ingbishar ki ju Jem khnap ngin hap ban iatreilang ban pynbha ia kine .
Nalor kine ka Congress kan tehlakam ia ka jinglaitlan ka khajna Jong ka District Council, halor ka jingsam bhah ia ka khajna hapdeng ka Sorkar Jylla bad ka District Council
U la bynrap ” Ka party ka la trei ka party ka dei kaba khlain bad Kum u kyrtong nga la trei shitom bad da ka jingiatreilang nga ngeit ba Ngam ioh ia ka jingjop ha kane ka election”.
Na ka Liang u bah Manuel Badwar u kyrtong na Laitumkhrah- Malki constituency u la ong ba haba mih sha madan ka jingkyrmen ka don ban poi sha ka thong bad ki paidbah ki la sdang sngewthuh Mynta .
“Ha ka election ba la dep ka long ba ka NPP ka la theh beit da ka Pisa bad ka don ka jingpynbeij ia u paidbah bad ka Sorkar ka don hapdeng ka jingeh ban pynmih Pisa kylla kane ka long beit ba ka Sorkar ka ai da ka kti ka mon ka shim da ka kti ka diang , kumta ngin hap ban iakhun beit ym dei ban pynbeij da ka skim” u la ong .
Halor ka jingkam ba ka VPP khlain u la ong ba ha Laitumkhrah- Malki ka VPP kam khlain re , ka MP election bad MDC ka iapher bak la bak bad ngi la ioh MP bad kim dei ki ba biang ban ia trei Kam bad MDC kin peit khambnaih bah namar ki mat ki phang ba ki kren ruh ki dei ki mat ba ngi hap ban iakren iatai bha namar ka jingong ban kwah article 371 ruh ka dei kaba donkam iatai namar ki paid khasi ki dei ki ba stad .
Halor ka jingiakhun pyrshah ia u MDC mynta na ka ne ka Constituency u bah Fantin J Lakadong u la ong ba ka jingia khun hi ka long para MDC bad ka jingiarap i kong Ampareen Lyngdoh kan ym buh jingeh namar kan shong ha u paidbah ba un sngewthuh kaei ka jingdonkam ia ka District Council.