Shillong, Naitung 23: Mynta ka sngi ki lai tylli ki seng kiba kynthup ia ka Hynniewtrep Border Dispute Redressal Forum (HBDRF), ka Hynñiewtrep Women Welfare and Development Organization (HWWDO) bad ka Khun Hynniewtrep National Awakening Movement (KHNAM) kila leit ban aid a ka jignthoh sha u myntri rangbah ka jylla u Conrad K Sangma ban pynpaw ba ki briew kiba don hapoh Block-I kiba dei na ka Lapang Nangphyllut Dolloiship bad ka Pangam Raliang ki jaka jong ka Block-I na West Karbi Anglong Assam sha West Jaintia Hills District ha Meghalaya.
Ha ba kren bad ki lad pathai khubor u shongknor ka HBDRF u Chandame Sungoh u la ong ban naduh ka 15 tarik u bnai lber 1835 haduh ka 15 tarik u Nailar 1947 ka elaka Lapang Nangpyllut Dolloiship bad ka Pangam Raliang ka dei ka jaka ka ba hap hapoh ka Jaintia hynrei mynta ka kynti ia kine ki ar tylli ki jaka ym shem la kynthup shuh hapoh u pud u sam jong ka Jaintia Hills hynrei la shukynthup jubor ia ka hapoh jong ka North Kachar bad ka Karbi Hills District Autonomous Council wat la ki briew kila pyrshah ia kane.
Ki paidbah ka tei ka thain kila phah ia kane ka jingthoh ba ki kwah ban don ha jaintia District naduh ki snem 1957 bad ia kane ka juh la phah da ka jingthoh sha ka sorkar Assam ha kato ka por namar naduh ka 1888 A.D kine ki jaka ki dei ki ba hap hapoh ka block I ka ba don hapoh u pud u sam jong ka Jaintia Hills hynrei namar ka jingkheinsting ka sorkar ,kine ki jaka haduh mynta ka kynti ym pat lah ban kynthup ia kine ki jaka sha u pud u sam jong jylla Meghalaya la ong u bah Sungoh.
Ha ba iakren halor kane ka bynta u bah Thomas Passah President ka KHANM Youth wings u la iathuh ruh ba naduh ka Meghalaya ka la ioh ia la ka jong ka jylla ha u snem 1972 ,ki nongshong shnong ha kine ki ar tylli ki thain Nangpyllut Dolloiship bad ka Pangam Raliang.
Kila ju ai ia ki dorkhas jong ki ha khmat ki sorkar jong kine ki artylli ki jylla halor kane ka jingbym hun na kane ka jingshah pynhap jubor justi sha ka jylla Assam hynrei haduh kine ki kynti ym pat lah ban shim kano kano ka rai halor kane ka bynta.
u la bteng ruh ba ki la don bun ki jingialang hapdeng kine ki artylli ki jylla ha ka kyrdan jong ki myntri rangbah bad ki chief secretaries halor kane ka mat hynrei haduh mynta ym pat don kano kano ka jingshim rai bad kane ka wan rah shibun ki jingeh na ka bynta ki briew ki ba sah ha kine ki jaka.
Ka jingkyrmen na ka bynta ki briew kiba sah sha kine ki thain ka wan biang ha ka 11 May 2000 haba ki myntri rangbah jong kine ki artylli ki jylla hapoh ka jingialam u Prafulla Kumar Mahanta bah u bah E.K Mawlong ki la leit ban jurio ia ka shnong Khanduli village bad ha u snem 2003.
U la iathuh ruh ba na ka liang u myntri rangbah ha kato ka por u bah D.D Lapang bad u MLA jong ka Assam u Roupon Singh Ronghang ki la leit ban jurip ia ka refugee camp ha ka shnong Sahsniang bad la shim ia ka rai ban pynphai noh ia baroh ki shnong jong ki Khasi/Pnar na ka Karbi Anglong Assam sha ka Jaintia Hills District Council (JHADC) hynrei haduh kine ki sngi kane kam shem la urlong la ong biang bah Syngoh.
