Shillong, Jymmang 04: U Myntri Rangbah ka jylla u la ong ba ki don kumba 200 ngut ki samla pule na ka jylla Meghalaya ha Manipur bad ka sorkar ka dang iakren bad ka sorkar Manipur ban wanlam noh ia ki da ka liengsuin sha Meghalaya, kyntu ia ki samla pule bad ki kmie ki kpa ba kim dei ban syier.
Mynta ka sngi u myntri rangbah ka jylla u Conrad K Sangma u la khot ia ka jingialang ia ki heh sorkar ban ia kren ban ia mir jingmut ban pynthikna ba ki samla pule na kane ka jylla Meghalaya ha Manipur kin ioh ia ka jingshngian.
U myntri rangbah ka jylla la ong ba na ka liang jong ka sorkar kala iaken bad ki bor sorkar ka jylla Manipur ban pynthikna ba ki samla pule na kane ka jylla kin ioh ia ka jingiada kaba biang ba kin don ka jingshngian.
U myntri rangbah ka jylla u la ong ba ki don kumba 200 ngut ki samla pule na kane ka jylla Meghalaya kiba pule ha Manipur, ka sorkar ka bud dien bha ia ki samla pule kiba don ha ki jaka pule bapher bapher ba ka sorkar ka dang pynbeit ban wan lam noh ia ki samla pule kham kloi na Manipur.
Ka sorkar ka dang pynbeit ban wam ialam noh ia ki da ki lieng suin bad kham kloi ban pynpoi biang ia ki samla pule sha ka jylla, ka sorkar kala buh ruh ia ki number kaba kiba pule ha katei ka jylla ne kiba ha iing ha sem ki samla pule ki lah ban phone lada don kam kyrkieh.
Na ka liang jong u myntri rangbah ka jylla u kyntu ia ki samla pule kiba pule ha Manipur bad ia ki kmie ki kpa ba kin long kiba jai jai kim de ban syier namar ka sorkar kala bud dien bha bad ka jingiakren bad ka sorkar Manipur ruh ka iaid bad ka jingiakren ka long ban pynpoi noh ia ki samla pule sha ka jylla.
U myntri rangbah ka jylla la ong ba ki jingjia hapoh ka jylla Manipur kaba dang shen kala pynwit bad u kyntu ia ki paidbah ka jylla Manipur ba kin pynneh pynsah ia ka shong suk shongsain, ym dei ban ia shoh iadat, ia ki jingeh dei ban ia pynbeit da ka jingiasngewthuh.
Ha ka juh ka por la ong ba ym dei ban leh ei ei ia ki jaka mane jong ki jaitniam bapher bapher namar kala don ka jingpynjot ia bun ki jaka mane blei jong ki jaitnaim bapher bapher, kine kin nym iarap ia ka imlang sah lang hynrei kan shu wanrah ia ka jingbym sngewtynad.
