New Delhi, Nohprah 22: U Myntri ba dei khmih ia ka Tnat Law and Justice, u Kiren Rijiju ha ka jubab kaba shu thoh ia ka jingkylli ha Rajya Sabha mynta ka sngi u la pyntip ba ka jingplie ia ki Fast Track Court (FTC) bad ka jingtreikam jong ki ka don hapoh ka bynta jong ki Sorkar Jylla kiba plie ia kum kine ki iingbishar katkum ka jingdon kam jong ki bad ki jingdon jingem.
Ha ka jingiamir jingmut bad ki High Court bapher bapher. Katkum ka jingtip ba la ai da ki High Court, la plie sa 242 tylli ki FTC hadien u 2017 (596 tylli ki FTC ki don haduh ka 31.12.2017 kaba la kiew sha ka 838 tylli ki FTC haduh ka 31.10.2022).
Ka Sorkar pdeng ka la sdang ia ka skhim kaba kyrshan da ka sorkar pdeng ha u Risaw, 2019 na ka bynta ban plie 1023 tylli ki Fast Track Special Court (FTSC) kynthup 389 ki iingbishar POCSO ha 31 tylli ki Jylla abd UT na ka bynta ka jingsted ban tianbishar bad pyndep ia ki case ba iadei ka jingshah lehbeijot bad POCSO Act.
Katkum ka Criminal Law (Amendment) Act 2018 bad ka jingbthah jong ka Supreme Court of India ha ka Suo Moto 1/2019 dated 25.7.2019. Ha kaba nyngkong, ka Skhim kadeina ka bynta 1 snem kaba la bteng mynta haduh 31.03.2023.
Katkum ka jingtip ba la ioh na ki High Court,733 tylli ki FTSC kynthup 413 tylli ki iingbisharPOCSO ki treikam ha 28 tylli ki Jylla/UT kiba la pyndep palat 1,24,000 tylli ki case naduh ba la sdang ia ka skhim bad 1,93,814 tylli ki case kidei kiba dang sahteng bym pat pyndep haduh 31.10.2022.
