New Delhi, Kyllalyngkot 25: Ki pulit baroh ki don 901 ngut kiba ioh ia ki Police Medal ha ka sngi rakhe ia ka Republic Day, 2023. Ia ka khusnam Police Medal for Gallantry (PMG) la ai sha 140 ngut ki pulit, ia ka khusnam President’s Police Medal for Distinguished Service (PPM) la ai sha 93 ngut bad ia ka khusnam Police Medal for Meritorious Service (PM) la ai sha 668 ngut.
Kiba bun napdeng ki khusnam na ka bynta ka jngshlur, 80 ngut ki pulit kidei na ki jaka ba shah ktah ha ki kam pyntriem Left Wing bad 45 ngut ki pulit kidei na ka thain Jammu & Kashmir kiba la ioh khusnam namar ka jingshlur jong ki.
Napdeng ki pulit kiba ioh ia ka Gallantry Awards, 48 ngut kidei na ka CRPF, kidei na Maharashtra, 25 ngut kidei na ka tnat Pulit J&K, 09 ngut kidei na Jharkhand, mar 07 ngut kidei na Delhi, Chhattisgarh & BSF bad kiba sah baroh kidei na kiwei kiwei ki Jylla bab UT bad CAPF.
La ai ia ka khusnam Police Medal for Gallantry (PMG)na ka bynta ki kam shlur ba paw shai ba la pyllait im ia ki briew bad ki jingdon jingem, lane ka jingtehlakam ia ki kam beainlane ka jingioh kem ia ki runar.
Ia ka khusnam President’s Police Medal for Distinguished Service (PPM) la ai na ka bynta ka jingai jingshakri kaba bha ha ki kam pulitbad ia ka khusnam Police Medal for Meritorious Service (PM) la ai na ka bynta ka jingtrei shitom ha ka kam.
Kiba la ioh ia ka Police Medals for Gallantry (PMG) ki don 140 ngut, kiba ioh ia ka President’s Police Medals for Distinguish Service ki don 93 ngut, kiba ioh ia ka Police Medal for Meritorious Service ki don 668 ngut.
Na Meghalaya ba ioh ia ka President’s Police Medals for Distinguish Service, dei u Prodenson Sangma Havildar jong ka 1st MLP battalion Mawiong, kiba ioh ia ka Police Medal for Meritorious Service ki long u Upendra Mothey ABSI, 2nd MLP battalion Goeragre, u Kolan Swer Havildar Shillong bad u Ram Bahadur Sonar ABC/32 Tura.
