Shillong, Naiwieng 13: U State President jong ka party BJP ha Meghalaya u bah Ernest Mawri, la ong ba ha Rajabala ki dang shu dep ban thaw ia ka Mandal bad kim pat lah ruh ban leit sha ki shnong ki thaw hynrei ka wan noh ka ilekshon MLA shiteng samoi, naneng ki dang pynkhlain shuh ia ka jingpynrung dkhot sha ka party BJP.
Ka jingbymbuh kyrtong ka BJP ha kane ka ilekshons MLA shiteng samoi na Mawryngkeng bad Mawphlang ka long ba kim pat lah ban thaw ia ki Mandal ha kitei ki ar tylli ki konstitwensi, katkum ka riti synshar jong ka party ka long ba ha kano kano ka konstitwensi ki lah ban shna ia ka madal lada kila kot sha ka 1500 ngut ki dkhot.
Haba phai sha ka Mawryngkneng la ong ba ki dkhot jong ka party kiba don ha katei ka konstitwensi ki dang don 700 ngut bad ha Mawphlang ki dang don 300 ngut dei na kane ka daw ba ki khlem lah ban buh kyrtong ha kitei ki ar tylli ki konstitwensi bad mytna ki dang trei shitom ban pynkhlain ia ka party.
Haba ia dei bad ka ilekshon ka ban long ha u snem 2023 sha ka iing dorbar thawain ka jylla u bah Mawri u la ong ba kin trei shitom ban pynkhlain ia ka party ba ha ka ilekshon kan nym don kano kano ka jingiatreilang bad kiwei ki party, haba phai sha ki MLA ba mynta la ong baki don kiba na ka seng Congress kiba kwah ban iakhun na ka party BJP.
