New Delhi, Naiwieng 12: U Myntri Sorkar Pdeng ba dei khmih ia ki tnat Commerce and Industry, Consumer Affairs, Food and Public Distribution bad Textiles, u Piyush Goyal mynta ka sngi u la kyntu ia ki jaka pule ha ki kam saindur jong ka India kiba pawnam ba kin pdiang shuh shuh ia ki samla pule.
U myntri u dang iakren bad ki khliehduh bad ki nonghikai jong ka Indian Institute of Foreign Trade (IIFT), ka Indian Institute of Packaging (IIP), ka National Institute of Design (NID), ka National Institute of Fashion Technology (NIFT) bad ka Footwear Design and Development Institute (FDDI) ha New Delhi mynta ka sngi.
U Secretary, ka tnat Promotion of Industry and Internal Trade (DPIIT), uAnurag Jain, u Secretary, ka tnat Commerce, u Sunil Barthwal, ka Secretary, ka tnat Textiles, kaRachna Shah, ka Special Secretary, DPIIT, kaSumitaDawra, u Special Secretary bad Financial Advisor, DPIIT, uShahankPriyabad kiwei kiwei ki ophisar na ki tnat bapher bapher ki la iadon lang ha kane ka jingiakren.
U Myntri u la ong ba kane ka dei ka sien kaba nyngkongjong ka jingiakren kine ki 5 tylli ki jaka pule ba pawnam kiba trei hapoh ka tnat Commerce and Industry bad ka tnat Textiles.
U Myntri u la ong ba ka dei ban don ka jingiatreilang hapdeng kine 5 tylli ki jaka pule khnang ba kan don ka jingiatreilang kaban iarap ia ki ba kin kiewshaphrang bad ba kin mad ia ka roi ka par.
U la ong ba kine ki jaka pule ki lah ban pyrkhat ban don kawei ka jaka pule khnang ban don ka jingpyndonkamtyngkai ia ki jingdon jingem, ka jingpyniasoh ia ki kynhun treikam ban pynkhlain shuh shuh ia ki.
U Goyalu la kyntu ia kine ki jaka pule ba kin peit bniah ia ka jingiadon bynta kito kiba la pass na ki. Ki rynsan jong ki briew kiba la pass na ki jaka pule ki don ka lad kaba heh bha ban noh synniang ia ka jingkiew shaphrang jong ki jaka pule, u la ong. U la kyntu ruh ia ki kompani ba kin ai jingkyrshan ia ki jaka pule kiba la paw.
U Myntri u la kren shaphang ka paanchprankumba la kren u Myntri Rangbah Duh, u Narendra Modibad u la kyntu ia ki jaka pule ba kin pyniahapialade bad kine ki san tylli ki jingsmai kiba iohijngai.
U Myntri u la ong ba ki jaka pule bad ki jaka ai training ki dei ban peit ia ka jingkyntiew ia ki sap jong ki briew ha kylleng ka ri bad kim dei ban peit tang ia ki jaka sor. Ym dei ban don unouno u khynnah ba shah ieh dien, u la ong da kaba kyntu ia ki jaka pule ban sdang ia ki prokram scholarship.
U la ai jingmut ruh ba ki jaka pule ki lah ban trei na ka bynta ka jingiadei kaba iaineh bad ka thain mihngi bad ka thain shateilammihngi jong ka ri ban wanrah ia ka jingiar ha ki nonghikai bad ki samla pule.
U Myntri u la kyntu ia ki jaka pule ba kin ialeh ban weng ia ki rukom pyrkhat kiba don ha ki por ba shah synshar ha ki mynder ha kaba iadei bad ki rukom pyntreikam. U la ong ba kine ki rukom treikam ki kdupia katto katne ngut ki briew bad ki kyntait ia ki kiwei kiwei.
U Goyal u la ong ba ngi dei ban leitphai sha ki tynrai da kaba bynrap ba ki don shibun ki lad ba ngin ioh jingnang jingstad na ki dustur bad ki deiriti bad tyrwa ia kane sha ka pyrthei.
U Myntri u la ong ba ka jingioh kam na ki jaka pule ka dei ban kham khlain lyngba ka rukom tyrwa jong ngi kaba kham khlain sha ka pyrthei. U Goyal u la ong ba baroh ki jaka pule ki dei ban long kiba plie lad ia ki startup bad ba ki dei ban kyntiew ia ka jingsaindur thymmai bad ka jingseng kam lajong.
U la bthah ia ki jaka pule ba kin peit ia ki jingai jinghikai jong ki bad sngewthuh lada kine ki iahap bad ki jingdonkam ki ban wan. U la ong ba ngi dei ban thmu ban rah ia ki kam fashion teknoloji jong ka India sha ki iew ha kylleng ka pyrthei. U la ong ruh ba ka long kaba donkam ban pynbunia ki nonghikai bad bei tyngka shuh shuh ha ka jingpyntbit ia ki.
U la kyntu ia ki ba kin leh shuh shuh ia ki case study bad ba kin pynmih shuh shuh ki jingthoh kum ki case study. U la kyntu ruh ia ki ba kin prat lynti ha ki jingwadbniah bad ba kin pynmih ia ki research paper. U la ong ba dei ban pynthymmaiia ki jaka pule, ki tiar, ki testing lab bad ki teknoloji katkum ka juk mynta.
U Myntri u la kyntu ruh ia ki jaka pule ba kin wad ia ki mar kiba lah ban ioh jingithuh GI bad ban kyntiew ia kine katba lah. Ka India ka don lad ban don haduh 2000 tylli ki mar GI, u la ong.
Ha kane ka jingiakren, kine ki 5 tylli ki jaka pule ki la ai jingtip shaphang ki mat ba kongsan jong ki rukom treikam jong ki bad ki la ai ia ki jingmut bad ki jingdonkam na ka bynta ka roi ka par.
U Secretary, ka tnat Commerce, u Sunil Barthwalu la kyntu ia ki jaka pule ba kin don ka jingiadei bad ki District Industrial Centre (DIC) ban pynkup bor ia ki ba kin pynkhlain ia ki kam kum ka One District One Product, Districts as Export Hubs bad kiwei kiwei.
Ka Secretary, ka tnat Textiles, kaRachna Shah ka la ai jingmut ban seng ia ka kynhun jong ki khliehduh jong ki jaka pule bad ki ophisar ka tnat khnang ban don shuh shuh ki jingiamir jingmut bad ki jingiatreilang. Ka la ong ruh ba ka dei ban wan shuh shuh ka jingleit shabar ri ki nonghikai bad ki samla pule jong ngi.
U Secretary, DPIIT, uAnurag Jain u la ong ba ka dei ban don shuh shuh ka jingwadbniah kaba iahap bad kine ki kam bad ba dei ban ai jingmyntoi ia kum kine ki jingwadbniah.
Ka jingialang ka la peit bniah ia ka jingiatreilang ki jaka pule ban don ka jingiasam ia ki jingdon jingem bad ki rukom treikam ba biang tam, ka ban ialam sha ka jingsaindur thymmai.
Ka la don ka jingiakren halor ka jingplie lad ia ka jingiatreilang ki jaka pule bad ki karkhana bad ka jingiakren hapdeng kine da kaba wanrah ia ka teknoloji, ka jingpyndonkam ia ki jingwadbniah bad ki jingsaindur thymmai katkum ki jingdonkam ha kine ki kam.
Ka la don ruh ka jingiakren halor ka jingwanrah ia ka rynsan ha kylleng ka pyrthei bad ka jingiatreilang bad kito kiba la pass na kine ki jaka pule khnang ba kan don ka jingiadei kaba iarap iwei ia iwei bad ban kyntiew ia ka jingnoh synniang jong ki sha ki jaka pule ba rim jong ki.
Ki la don ki jingai jingmut ban don ka jingiatreilang bad ki jaka pule nabar ri lyngba ka jingiabujli ia ki nonghikai bad ki samla pule bad ka jingkyntiew ia ki kam thain jain bad ki kam shna mar lyngba ki jingsaindur ba thymmai.
