Ki jaka pyni baiskop  ki lah ban treikam pura, pyllait u Prakash ia ki SOP ban pyni phlim

New Delhi, K. Lyngkot 31: U Myntri Sorkar Pdeng, u Prakash Javadekar mynta ka sngi u la pyllait ia ki Standard Operating Procedure (SOP) halor ki lad jingiada ban tehlakam ka jingpur ka khlam COVID-19 na ka bynta ki cinema hall bad ki theatre.

Ha ka jingpynbna ia kane ka rai u Myntri u la ong mynta ki Cinema hall ki lah ban pyntreikam pura. U la bynrap ba dei ban bud ia ki kyndon jong ka jingpynkhuid bad ki kyndon ba iadei bad ka COVID bad ki briew ki lah ban thied jingbam na ki dukan ba don hapoh ki theatre. U la bynrap ba ki jingpyrkhing ba la pyntreikam na ka bynta ban tehlakam ia ka khlam COVID ki la jan kut.

La wanrah ia kine ki SOP halor ka nongrim ba ka Tnat Kam Pohiing, Sorkar India ka la ai jingbit ban plie ia ki cinema hall bad ki theatre lyngba ka hukum No. 40-3/2020-DM-I(A) kaba ha ka 27 tarik Kyllalyngkot, 2021.

Ha kaba sdang, ka SOP ka ong ba ym shah ban pyni phlim ha ki containment zone bad ki jylla/UT ki lah ban wanrah shuh shuh ki lad jingiada katkum ka jinglong jingman ba ki ioh lum jingtip. Ka SOP ka ong ba lah ban pynrung briew pura hapoh ki cinema hall.

Ka SOP ka pynshai ba dei ban bud baroh ki lad jingiada ba iadei bad ka COVID hapoh ki phyllaw jong kine ki jaka. Dei ban bud ia ki jingbthah ba dei salonsar ia baroh ban da ia la ka shyntur haba jyrhoh ne synriah kynthup ruh ka jingpyndonkam ia ki jingda khmat, ka jingpyniajngai iwei na iwei kumba 6 phut shabar ki auditorium, ki jaka paidbah bad ki jaka ap ha baroh ki por, la khang ban biah bad la pynshlur ruh ban pyndonkam ia ka app Aarogya Setu.

Yn dang bteng ban leh ia ka thermal screening ia ki briew ha ki jaka rung bad jaka mih ha ka rukom ban lait na ka jingkhapngiah. Kadei ban don ka jingpynjlan katto katne ha ka jingpyni ia ki phlim khnang ba kan don ka jingryntih ha ka rukom rung rukom mih jong ki briew. Yn pyni phlim ha ki por bapher bapher khnang ban lait na ka jingbun briew.

Ka SOP ka kyntiew ban pyndonkam ia ki rukom siew digital na ka bynta ka jingthied tiket, jingbam bad ki umsoh bad kiwei kiwei. Yn plie bun ki jaka thied tiket bad yn plie ruh baroh shi sngi bad lah ruh ban book lypa ia ki tiket ban lait na ka jingbun briew ha ki jaka die tiket.

Ha kane ka SOP la ban jur ba dei ban pynthikna ka jingpynkhuid ia ki phyllaw baroh, ki jaka ba ia pyndonkam paidbah, ki jaka ba ktah ki briew, kum ki jingbat, ki jingker, bad kiwei kiwei bad dei ban pynkhuid ia ka auditorium hadien man ba dep pyni phlim.

Ha kane ka SOP la kdew kyrpang ia ki sienjam na ka bynta ka jingpynsngewthuh paidbah pyrshah ia ka COVID da kaba buh ia ki jingpyntip halor ki kam ba dei ban leh bad ba dei ban kiar ha baroh ki phyllaw kum ki jingpynbna, ki dur bad kiwei kiwei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet