Shillong, Kyllalyngkot 29: U bah Sanbor Shullai MLA jong ka BJP na 19-Shillong South ha ka jingdon jong u ha nongbah Delhi u la leit ban ia kynduh ia u myntri karbar Ri ka sorkar pdeng u Rajnath Singh ban dawa ba ia ka madan Garrision dei ban shah ban pyndon kam da ki paidbah.
Ha kane ka jingiakynduh u Bah Sanbor u la ong ba dei ban shah ia ki paidbah ban pyndon kam ia katei ka jaka da kaba ia soi ia ka jingiathekular bad ki bor shipai. Ha kane ka jingiakynduh la ong ruh ba ia ka Shillong Municipal Building By law dei ban pyntrei kam ruh hapoh ki jaka jong ka Cantonment Board.
U Bah Sanbor u la ai ruh ia ka dorkhas ha kaba ia dei bad ka jingmang pisa na ka tnad korbar Ri ban shan ia ka top um ban kyntiew ia ka skul Cantonment Board sha ka klass 12 bad ban pynbha shuh shuh ia ka Goenka Hospital da kaba buh noh sha ka 20 jignthiah.
U Bah Sanbor u la ong ha khmat jong u myntri ba ki jaka ba dang lait ki don shibun ha kaba lah ban pyndon kam ia ki na ka bynta ban tei ia ki iew ki hat namar ka nongbah Shillong kala dei kawei na ki jaka khaii pateng.
Haba bad ka madan garrison u Bah Sanbor u la ong ba un sa ia kynduh bad ki bor jong ka sorkar jylla ba kan shim khia ia kane ka khnang ba yn lah ban pyndon kam lang ia kane ka jaka da ki paidbah bad ki shipai.
