Shillong, Naitung 05: Ka Khasi Hills Autonomous District Council (KHADC) kala dep ban shna ia ka ‘Khasi Traditional Medicine Institute (KTMI) ha jaka jong ka konsil ha Lum Sphpetbneng, ha Ri Bhoi District ha ka jinglut kaba la palat ia ka T.5.77 klur tyngka.
Haba u SP News Agency u la poi sha kane ka jaka ba don ki jingtei jong ka KTMI, la ioh ba ka jingshna ia ki iing la dep lut, ka jingshna ia ki khyrdop kawei na sha phang sharum bad kawei kaba na phang shaneng kila dep bad ia ka jaka saw dor la ker da ki ksainar.
Kiba bba bun ki buh ka jingkylli lano ka KHADC kan pyndon noh ia kine ki iing kiba la shna kiba la pynlut da bunbun klur tyngka na ka bynta ban pynneh pynsah ia ka jingsumar tynrai ia ka jingai dawai khasi.
Ban pynkynmaw ba u CEM barim jong ka KHADC u bah Pyniaid Sing Syiem u la kubor ba ka jingtrei kala dep bad kaba sah ka long ba ia ka Khasi Traditional Medicine Institute ha Lum Sohpetbneng yn sdang ban pyntreikam noh ia kaba yn pyniaid da ka Center of Learning, Knowledge and Services (COLKS).
Kane ka jaka kan long ka jaka ai jinghikai bad ha ka juh ka por kan long ka jaka kaba ki briew ki lah ban leit ban shim dawai bad kaba sah ka long san tang khyndait eh kiba dang sah ia kiba yn sa pyndep.
