Shillong, Nailar 31: Ka sorkar hapoh ka jingialam jong u myntri rangbah ka jylla u Conrad K Sangma u la thung ia ki lai ngut ki MLA kiba la pyniasoh bad ka party NPP na ka party Congress kum ki nongaibuid ha ki tnad sorkar.
Ia u bah Grabriel Wahlang MLA jong ka Nongstoin la thung kum u nongaibuid jong ka tnad marpoh khyndew, ka tnad sam um ka jylla bad kane kan trei kam naduh ka sngi ban shimti ia ka kam.
Ia u bah Charles Marngar MLA jong ka Mawhati la thung kum u nongai buid jong ka sorkar bad ka tnad pynmih bor ding eletrik, ka tnad pynroi nongkyndong, kane kan treikam naduh ka por ba un shimti ia ka kam.
Ia u Dr. Celestine Lyngdoh MLA ka Umsning la thung kum u nongai buid jong ka sorkar haba ia dei bad ka tnad kam poh iing ba ia dei bad ki pulit, bad ka tnad pule puthi bad kane kan treikam naduh ka sngi ba shimti ia ka kam.
