Shillong, Jylliew 09: Ka kynhun ki seng bhlang jong ka Mawsynram Block kaba kynthup ia ka seng HNYF, ka FKJGP bad ka HYC kila shim ia ka rai ryngkat ki paidbah ba kin kiew sha Shillong ha ka 12/Jylliew /2026 ba leit tur sha Secretariat ban pynpaw ia ka jingpyrshah ia ka sorkar halor ka jingaiti sha ka SAI Computer Private Ltd ia ka Sub Division ka MeECL Mawsynram.
U bah Tyngshain Ronsang na ka FKJGP u la ong ba ha ka jingiakynduh lang mynta ka sngi ki lai tylli ki seng bhalang bad ki paidbah kin leit ban tur sha Secretariat ha ka 12/6/2026 kaba dei ka sngi thohdieng ban pynpaw ia jingpyrshah ia ka jingbuh ia ka SAI Computer Private Ltd ha ka Sub Division ka MeECL Mawsynram.
Kane ka Sub Division ka MeECL Mawsynram ka peit ia ka Mawphlang Block, Mawsynram Block bad ka Ranikor Block, ka jingshim ia kane ka rai ka long ba ka sorkar kam shym la jubab haduh mynta ka sngi ia kaei kaba kila ia kren bad u myntri kam bor ding ka jylla.
Na ka liang jong ki seng ki shim ia kane ba ka dei ka jingpynbna sha ki paidbah ba pyndon kam light hapoh ka Mawsynram Sub Division ba kin sngewbha ban ia mih ryntih ha katei ka tarik naduh ki rangbah shnong bad ki paidbah ban pynsngew sha ka sorkar ia ka jingeh ki paidbah bad kyrmen ba kane ka jingiakhih kan long kaba jop.
