Shillong, Nohprah 26: Ki shipai BSF kila iathuh ba haduh mynta ki don haduh 1327 tylli ki masi kiba la ioh kurup bad la buh ia ki ha ki ktem sah jong ki BSF ha Shilynter jong ka jylla Meghalaya.
Ha ka sngi 25 tarik ki BSF kila ioh ban kem haduh 208 tylli ki Masi kiba la buh rieh hapoh khlaw jan khap Bangladesh shuwa ban phah sha Bangladesh. Na ka liang ki BSF kila kurup ia kine ki masi bad ka dor jong ki masi kala kot sha ka T.32.7 Lak tyngka.
Na ka liang jong ki BSF kila iathuh ruh mynta u snem 2019 kiba masi kiba la iap ha ka kti jong ki long haduh 1124 tylli. Ka jingiap jong ki ka long namar ba kim ioh ia ka jingsumar kaba ki don kam khamtam ka bam.
Ki Masi kiba don mynta 1327 tylli baroh ki don ha ki jaka sah jong ki shipai BSF ha khapud bad ka Bangladesh bad ia kine ki masi baroh la bethah ba die lilam noh sha ki nongthied. Hynrei kaba ki shem ka long ba ha dien ba la die lilam ia ki la thied biang da ki nongkhaii beain ban shallan sha Bangladesh.
