Shillong, Kyllalyngkot 02: Mynta ka kynti ruh bun na ki MDC jong ka iing dorbar ka KHADC kin ia khun ia ka MLA elekshon 2023, kumba la paw kyrteng ki don haduh 18 ngut na ki dkhot ka iing dorbar kiba don 30 ngut.
Na ki 18 ngut ki MDC hapoh ka iing dorbar jong ka KHADC ki kynthup ruh ia ki MLA kiba dei lang ki MDC, kum u bah Lambor Malngiang Independent, bah Gigur Myrthong NPP, bah Pious Marwein UDP bad bah Pyniaidsing Syiem NPP.
Kiwei kiba dei ki MDC, ki long bah Titosstawell Chyne CEM, bah Ronnie V. Lyngdoh, bah Mitchel Wankhar, bah Carness Sohshang, bah Gabriel Wahlang, bah Batskhem Ryntathiang, bah Charles Marngar, kong Macdalyn Sawkmie Mawlong, bah Martle N. Mukhim, kong Grace Mary Kharpuri, bah Alvin Khyriem Sawkmie, bah Pynshngainlang Syiem, bah Paul Lyngdoh, bah Teibor Pathaw, bah Bindo M Lanong.
Ha ka iing dorbar jong ka KHADC ki don 2 ngut ki kynthei bad kine baroh ar ngut kin ia khun ia ka MLA elelshon 2023, ka kong Grace Mary Kharpuri MDC ka Nongshkhen kan ia khun na Shella Konstitwensi, kong Macdalyn Sawkmie Mawlong MDC na Umsning kan ia khun na Nongpoh Konstitwensi.
