Shillong, Nohprah 24: U President jong ka Meghalaya Pradesh Congress Committee u bah Vincent H Pala la ong ba haduh mynta ki don 16 ngut kyntup lang ia ki MLA barim bad ia ki MDC kiba pan tiket na ka party Congress ban ia khun ia ka elekshon MLA ha u snem 2023.
La iathuh ba ki don ki kyrtong kiba la ia khun teng bad mynta ruh ki dang pan ia ka tiket na ka party, ka congress kam duna ia ki kyrtong wat la kila bun kiba mih ban pyniasoh sha kiwei ki party na kidaw kiba ym lah ban tip.
Ka jingong ba ka party Cngress kala tlot kata kam dei ka jingshisha, la ong ba kiba mih ki dei tang kiba kwah ia khun elekshon ym ki paidbah ba kyrshan ia ka party, ki nongkyrshan ka party ki don ha ka party kim phet.
U la ai nuksa kum ka Sohiong mih ba rim wan kiba thymmai katba ki nongkyrshan ka party kim phet, la ai nuksa kum na Mawphlang kine ki long tang ki kato katne ki jaka, ka seng kan pynieng kyrtong na baroh 60 tylli ki konstitwensi la ban biang.
La ong ba ka don ka jingkyrmen ba ka seng Congress kan jop bun ki MLA ha kane ka elekshon kaban long ha u snem 2023, ka party kam leit sha u paidbah da ka bor pisa hynrei ka leit sha u paidbah halor ki nongrim kiba la ka juh ieng baroh shi katta.
