Shillong, Risaw 01: Ka jingbishar bniah ia ki nomination paper jong baroh hynriew ngut ki kyrtong ban ia khun ia ka ilkeshon MLA shiteng samoi na ka 26-Shella (ST) Assembly Konstitwensi ka long mynta ka sngi ha kaba la shem ba baroh ki long kiba biang.
U Retuning Officer jong ka 26-Shella Assembly Konstitwensi haba kren ha u SP News Agency u la iathuh ba ha ka jingbishar bniah mynta ka sngi ia ki nomination paper la shem ba baroh ki long kiba biang.
La aithuh ba ka traik kaba khatduh na ka bynta ki kyrtong lada ki kwah ban weng noh ia lade na ka jingiakhun ia kane ka ilekshon MLA shiteng samoi kan long ha ka lai tarik mynta u bnai.
Ki kyrteng jong ki kyrtong MLA ki long u bah Balajiedkupar Synrem, UDP, bah Komen Laitmon, Ind, Kong Grace Mary Kharpuri, Ind, Bah Batyngshain Laitmon Ryngnga INC, Bah Joshua Warjri BJP, bad u bah Mosjo Rock F. Wanswett PDF.
