Shillong, Iaiong 10: ka Deputy Commissioner ka East Khasi Hills District kala bthah ba baroh ki nongtrei sorkar kiba don ia ki kard ration, kynthup lang ia kiba hikai ha ki skul Deficit and Adhoc skul kiba hikai ha nongkyndong bad ha sor ruh kum juh kiba don ia kard ration PHH lane AAY ba kin pynphai noh sha DC office Shillong.
La bthah ia baroh ki nongtrei sorkar ba kin leit ai noh ia ki ration kard sha ophis jong ka Deputy Commissioner jong ka East Khasi Hills District ha lane shuwa ka 30/ Iaiong/ 2025 namar ba kim don hok ban ioh ia u khaw ration.
Ha ka kyrwoh kaba la phah mynta ka sngi na ka ophis jong ka Deputy Commissioner jong ka East Khasi Hills District kala maham ruh ba lada don kiba khlem but ia kane ka jingbthah lada lap yn sa leh ia kaba don kam katkum ka ain.
