Shillong, Risaw 18: U Bah Alos Nongpoh secretary jong ka jong ka seng Amur Falcon Society Tyrso, u la ong ba ki sim kila sdang ban wan poi mynta sha katei ka shnong kumba juhlong man u snem bad kine ki juh mih pat na kane ka jaka shuwa ka 15 tarik Naiwieng.
Haba kren ha u SP News Agency u bah Alos u la ong ba ka jingeh ia ki paidbah kiba kwah ban wan peit ia kine ki sim kiba juh sangeh ha kane ka shnong Tyrso man u snem ka long ba kam biang ki lynti syngkieng bad ki jaka sah khamtam ia kito ki briew kiba na shabar jong ka Ri.
La iathuh ba na ka liang jong ka Society kila shna ia ki iing basa hynrei kim pat lah ban pyndep. Mynta u snem ruh ka seng kan pynlong ia kane ka tamasa ha shnong Tyrso bad kata kan long ha ka 6 bad 7 tarik Naiwieng.
Ka jingpynlong ia kane ka tamasa ka long ban khring ia ki nongwan jngohkai pyrthei sha katei ka thain bad ha ka juh ka por ba kin iohi da la ki jong ki khmat ia ka jingwan jong ki sim sha katei ka jaka da ki bun lak tylli kaba ki sah tang katto katne por shuwa ba kin leit sha kawei pat ka jaka.
