Ki paidbah ki don ka hok ban nym siew ia ka bai light lada shisnem kim ioh light: Charles

Shillong, Naitung 7: U bah Charles Marngar MDC jong ka Mawhati mynta ka sngi u la leit ban ia kynduh ia u Director ka tnad sam bor ding u  M N Chetri jong ka MePDCL ban ia kren ia ki jingeh ki shnong kiba hap hapoh jong ka Mawhati Konstitwensi.

Haba kren ha ki lat pathai khubor u bah Marngar u la ong ba ki paidbah ka thain Umtrai, Umsiang, kine ki shnong la bun bnai mynta kim don bor ding bad kaba sngewsih ka long ba duna palat ki nongtrei ha katei ka thain.

Ha u bnai Jymmang jong u snem 2020 u la ia kynduh ia ki Director Distribution bad u la kular ban sa thungnoh ia ki nongtrei kaba duna, ia u linemen u ba la khlad naduh u snem  2010 haduh mynta ym pat thung, don tang u wei u ba trei sngi bad u hap ban peit marwei haduh 34 tylli ki shnong marwei kumno un lah ban pynbiang ia ki jngdon kam ki paidbah.

La ong ba ha kane ka jingiakynduh ia u Director la iathuh ba ka Umsohlait Sub Station, katkum ki kyndon jingshisha don ka mar ngut ki nongtrei ha ki sub statation mynta dong tang u wei u une ruh u ba shu trei bylla sngi kumno kein un trei kam, ka Sonidan ka don tang u wei.

La iathuh ba ka Mawrung lei kan don wat tang u wei ruh kine ki jingeh kaba ki paidbah ki ia kynduh ia kaba u la wan ban jurip hi da la de kaba kham sngewsih ka long ia ka jingbymdon ia ka light, ha ki thain Umsiang ka bor ding ha ka shitaiew ka bor ding ka wan tang lai saw kynta ha ka shitaiew.

Ha kane ka por ba don kane ka khlam bun ki don onlie Klass lada ka long ha kane ka rukom sha kaei ka lawei ki khun ki kti bad kawei ka jingeh kaba ka MeECL kala leh ka long ba kala leit sha ki shnong ban ot noh ia ka light.

Na ka liang jong u MDC u la ong ba lada ki shnong shisnem kim ioh ia ka light kumno kin siew, ki don ia ka hok ban nym siew ia ka bor ding bad u ai ka jingkyrshan ia ki paidbah bad u la ong ba kim dei ban ot ia ka bor ding lada kim lah ban ai thikna ia ka light.

Ha kane ka jingiakynduh nga la kren ia u Director ha ka jingiakynduh mynne bad u la ong ban shim khia, hynrei ym tip namar ha u snem ba la dep ruh la ong ban shim khia hynrei haduh mynta ruh ym pat lah ban thung briew namar kane ka dei ka jingtlot palat ka jingtrei kam.

U Bah Charles u la ong ba kane ka Mawhati Konstitwensi kala shah ieh bein palat ha baroh ki long dei na kane ka daw ba kum u MDC u la shim khia ia kane ban ia kren na ka bynta ki jingeh jong ki paidbah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet