Shillong, Naitung 02: U Dr Aman War Director ka tnad ka koit ka khiah jong ka jylla Meghalaya ha ka jingiadon lang bad u myntri ka tnad ka koit ka khiah u bah AL Hek u la ong ba ki shipai BSF kim lah ban pynbna hi ia kiba shitom COVID-19 kaba ban pynbna dei tang ka sorkar jylla.
Haba kren ha ki lat pathai khubor mynta ka sngi la iathuh ba ki BSF leh se kila khien lang ia kito kiba la test Positive Assam, hynrei haduh mynta ki BSF kiba la test Positive hapoh NEIGRIHMS ki don tang 6 ngut.
Ha ka jingiakren bad ki BSF kila iathuh ba ki shipai kiba leit shuti kiba dang dei ban wan phai sha Meghalaya ki dang don sa 150 ngut, na ka liang jong ka sorkar kala bthah ia ki BSF ba kim dei ban phah wan ia ki shisien wan.
La iathuh ruh ba kila kren sha ki BSF ba na ka bynta kito kiba sah sha bar na ka ktem jong ki BSF ki hap ban but ia ki kyndon jong ka sorkar Meghalaya, kata ki hap ban sah quarantine 14 sngi bad sa 14 sngi ki hap ban sah ha iing.
Haba ia dei bad u branch manager jong ka SBI Khliehriat haba la tohkit la shem ba u khlem pynkhein ia ki kyndon jong ka sorkar, hynrei da kane ka jingjia mynta la bthah ia ki briew kiba dei peit ha ki jaka rung ba ki hap ban leh ia ka tst shuwa ban rung sha Meghalaya.
Ka ei kaba jia ia u branch manager jong ka SBI khliehrait ka long ba namar ba u la don ia ka syrnot ba um don ei ei la pynlait ia u, hynrei haba poi sha khliehriat ki nongshong shnong ki pyntip sha ki bor jong ka District namar ba u la jah slem bad haba la test la shem ba u long COVID-19 Positive.
