Shillong, Nailar 10: U Myntri Rangbah ka jylla u Cornad K Sangma u la ong ba kito kiba don kti ha ka jingpynbthei bom mynta ka sngi ha Iew Shillong ha Laitumkhrah kin shah pynshitom kaba tyngeh.
Haba kren ha ki lat pathai khubor u myntri rangbah ka jylla u la ong ba ki pulit kila tohkit ia kane ka jingjia bad haduh mynta ym pat lah ban kynnoh mano ba leh ia kane ka kam, wat la ka HNLC kala kam hynrei ki pulit kin don tohkit ban pynshisha.
Haba ia dei bad ka jingbthei bom ha East Jaintia Hills la ong ba ki pulit kila dep ban kem ia bartoh kito kiba la suba kiba don kti ha kane ka kam bad mynta ka kynt ruh ki pulit ki dang tohkit bad kyrmen skhem ban ioh kem ia kiba don kti.
Haba jubab ia ki jingkylli ha kaba ia dei bad ka jingkwah katei ka seng lehnoh ban ia kren ia suk, u mytnri rangbah u la kren shai ba ki dei ban wan pyndem shuwa bad kin sa ia kren khlem kyndon katkum ki kyndon ka riti synshar jong ka Ri India.
U Myntri Rangbah u la ong ba katkum ka jingtip la ong ba ki dkhot jong ka seng HNLC kin nym palat ia ka 10 ngut, ka tnad pulit ka dang tohkit ia kane ka jingjia bad khlem pep kito kiba don kti kin shah pynshtiom da kaba tyngeh katkum ka ain.
