Shillong, Nailar 27: Ka tnad ka koit ka khiah kala pyntip ba kiba dang shitom na kane ka jingpang COVID-19 positive ki don 98 ngut ha ka jylla baroh kawei, kiba la test positive mynta ka sngi ki don 14 ngut, na East Khasi Hills 3, Ri Bhoi 2, South West Garo Hills 2, West Garo Hills 7 ngut.
Kiba la ioh ia ka jingkoit mynta ka sngi baroh ki don 19 ngut, kiba dang shitom kiba don ha ki hospital ban shah sumar ki long 34 ngut, ha East Khasi Hills 25, Ri Bhoi 1, South Garo Hills 3, West Garo Hills 4 bad West jainta Hills 1.
Katkum ka jingkhien kaba la buh ryntih da ka tnad ka koit ka khiah kiba la test COVID-19 positive ki don 96404 ngut, kiba la koit na kane ka jingpang ki don 94689 ngut bad kiba khlad na kane ka jingpang baroh kila kiew sha ka 1617 ngut ha ka jylla baroh kawei.
