Shillong, Lber 18: Ka sorkar Meghalaya mynta ka sngi kala pynmih ia ka hukum ba kino kino kiba die tam dor ia ki masks 2 ply abd 3 ply surgical masks, kum juh ia ki N95 masks bad ia ki jingpynkhuid kti kin shah pynshitom hapoh ka kyndon jong ka ain “Prevention of Black Marketing and Maintenance of Supplies of Essential Commodities Act, 1980.”
Ia kane ka jingpynbna jong ka sorkar mynta ka sngi la pynmih lyngba ka ophis jong u Secretary ka tnad sam bam sam dih jong ka sorkar jylla. Ia kane la pynbna katkum ka rai jong ka sorkar pdeng kaba dei na ka tnad sam bam namar kitei ki tiar ki long ban iada ia u khniang jingpang COVID-19.
Kane ka jingmana ia baroh ki dukan kiba die ia kine ki masks bad ia ki jingsait kti kan trei kam haduh ka 30th Jylliew 2020, la ong u Secretary ha ka hokum kaba la pynmih mynta ka sngi. La da lap ba don kiba die tam bad kiba buhrieh ia kitei ki jait Masks bad ki jingsait kti yn pynshitom katkum katei ka ain.
