Shillong, Naiwieng 13: Mynta ka sngi u Superintendent ki pulit jong ka East Khasi Hills District la lum ia ka jingialang jong ki rangbah shnong kiba don sawdong ka khlaw Lamali bad ka khlaw ba don ha katei ka jaka namar la jyllei palat ki kam sniew.
Ha kane ka jingialang ki rangbah shnong kiba la shah khot ha kane ka jingialang kaba la long ha Police Reserved Shillong, ki long rangbah shnong Riatsamthiah, Wahingdoh, Jaiaw Shyiap, Jaiaw Mihngi bad Mawlai Phudmuri.
Ha kane ka jingialang la don lang ki Sector Police Ophisar, ki pulit ba dei peit ia ki police syation, ki pulit ba dei peit ia ka kynhun ANTF bad ki heh pulit kiba dei peit ia katei ka jaka, la khot ia kane ka jingialang namar ki kam sniew kila jubor ha katei ka khlaw kaba la pynlong ia ki shnong sdaw dong ban sngewkhia.
Ha kane ka jingialang la shim ia ka rai ba lada don kiba shangmakia ha katei ka khlaw Lawmai bad ki khlaw sorkar kiba don ha katei ka jaka ki pulit kidei ban shu kem beit la kidei ki nongdih kyiad ne ioh dei ki nongkhaii ne dih drok. Ban iada na ka jingrung pathar ki briew ha ka por miet yn ia kren bad ka tnad khlaw ban ker kynroh bad buh khyrdop.
Lada lap ia kiba dih kyiad hapoh kali ne dih drok ha ruk surok shilynter ka khlaw Lawmali ki pulit kim kem ia ki bad yn pyngat ia ki hapoh ka kyndon kaba 110 jong ka Meghalaya Police Act and the NDPS Act, bad katba shah ka kam.
Na ka liang jong ki pulit kila pynpaw ia ka jingsngew kem ba ki rangbah shnong bad ki dorbar shnong kila wan ban ia shim bynta ha kane ka jingialang ban ia khun pyrshah ia ki jingsniew ha katei ka thain, ha kane ka jingialang la ia kren ruh ia ki jingsiew kiba mih na ki kam dih drok ha kane ka nongbah Shillong.
