Shillong, Risaw 20: U Director ka tnad ka koit ka khiah u Dr Aman War u la pyntip ba mynta ka sngi kiba la test COVID-19 positive ki long 57 ngut, East Khasi Hills 26, West Garo Hills 17, East Garo Hills 3, South Garo hills 3, West Jaintia hills 3, East Jaintia Hills 2, North Garo Hills 1, Ri Bhoi 1, South West Garo Hills 1, kiba dang shitom haduh mynta ki long 2020.
La pyntip ba kiba la koit baroh na kane ka jingpang mynta ka sngi ki long 105 ngut, East Khasi Hills 66, Ri Bhoi 15, West Jaintia Hills 14, West Garo Hills 06, East Jaintia Hills 2, South West Khasi Hills 2 bad kiba la koit haduh mynta ki long 6497 ngut.
U Director u la iathuh ba mynta ka sngi dei ka kong Slinsibon Sawian 60 snem na Lawmai, Shillong khlad na kane ka jingpang COVID-19, kiba khlad ha kane ka jylla kala kiew sha ka 76 ngut baroh, la iathuh ba ka jingiap ki briew ha kane ka jylla na kane ka jingpang ka long 0.90 % bad ki containment area haduh mynta ki don 62 tylli.
