Shillong, Naitung 28: U Dr Aman War Director ka tnad ka koit ka khiah u la iathuh ba mynta ka sngi la test COVID-19 positive 41 ngut bad kiba la koit baroh ki long 194 ngut.
Haba kren ha ki lat pathai khubor mynta ka miet la iathuh ba na kine ki 41 ngut kiba la test COVID-19 positive mynta ka sngi 36 ngut ha East Khasi Hills, na kine 6 ngut ki kynhun shipai bad 2 ngut ki CRPF kine dei kiba wan phai bad 28 ngut ki riew paidbah. Kiwei West Jaintia Hills 3 ngut, West Khasi Hills 1 bad West Garo Hills 1.
Kiba shitom baroh ha ka jylla ki long, 580 ngut, East Khasi Hills 479 ngut, BSF 243 ngut, kynhun shipai 32 ngut bad ki riew paidbah 204 ngut. Kiwei ki District, West Khasi Hills 4,Ri Bhoi 52,West Jaintia Hills 13, East Jaintia Hills 15, West Garo Hills 11,South West Garo Hills 4,East Garo Hills 1 bad North Garo Hills 1.
Haduh mynta ka sngi baroh la shim nongmuna 35021 ngut kiba la test negative 33492 ngut bad ki resolt ba dang ap ki long750 ngut bad kiba wan phai haduh mynta sha ka jylla ki long 24055 ngut. 
