Shillong, Jylliew 11: Ka tnad ka koit ka khiah kala pyntip ba mynta ka sngi kiba la test COVID-19 positive ki long 514 ngut ha ka jylla baroh kawei, kiba dang shitom baroh ki long 4993 ngut haduh mynta.
La pyntip ruh ba kiba la ioh ia ka jingkoit na kane ka jingpang COVID-19 positive ki long 526 ngut, kiba la koit baroh 35393 ngut ha ka jylla baroh kawei haduh mynta ka sngi.
Ka tnad ka koit ka khiah ruh kala pyntip ba mynta ka sngi kiba khlad na kane ka jingpang ki long 10 ngut, East Khasi Hills 7, West Jaintia Hills 1, Ri Bhoi 1, West Garo Hills 1, kiba khlad baroh na kane ka jingpang ki long 714 ngut haduh mynta.
Kiba la test COVID-19 positive mynta ka sngi katkum ki District ki long, East Garo HIlls 29, East Jaintia Hills 9, East Khasi Hills 183, North Garo Hills 35, Ri Bhoi 6, South Garo HIlls 6, South West Garo Hills 15, South West Khasi Hills 43, West Garo Hills 90, West Jaintia Hills 71, West Khasi Hills 27 baroh ki long 514 ngut.
