Shillong, Nailar 8: Ka tnad ka koit ka khiah mynta ka sngi kala pyntip ba baroh kiba la test COVID-19 positive ki long 540 ngut , kiba la test bun eh ki dei na East Khasi Hills 226 ngut, ha Ri Bhoi 82 ngut, West Khasi Hills 82 ngut, kiba dang shitom baroh haduh mynta ha kane ka jylla ki don 5037 ngut.
Katkum ka jingkhein kaba la ai da ka tnad ka koit ka khiah la ong ba kiba la ioh ia ka jingkoit mynta ka sngi ki don haduh 817 ngut, kiba bun eh kiba la ioh ia ka jingkoit ki dei na East Khasi Hills 444, West Garo Hills 103 ngut, kiba la koit baroh ki long 62971 ngut haduh mynta ka sngi.
La pyntip ruh kiba la khlad na kane ka jingpang mynta ka sngi ki don 9 ngut, na kine 6 ngut ki dei kiba khlem pat ai ia ka Tika, kiba la khlad mynta ka sngi ki dei na East Jaintia Hills 1, East Khasi Hills 5, Ri Bhoi 2, West Garo Hills 1, kiba khlad baroh kila kiew sha ka 1163 ngut.
