Kiba poi thep vote 80.43%  ha ki lai tylli ki konstitwensi ha ka ilekshin MLA Shiteng samoi

Shillong, Risaw 30: U Chief Electoral Officer jong ka jylla Meghalaya u bah  F R Kharkongor  mynta ka sngi u la pyntip ba ka jingiathep vote ha kane ka ilekshon MLA shiteng samoi sha ki lai tylli ki MLA Konstitwensi ka long 80.43%, la ong ba dang don khyndait eh ki polling station kiba khlem pat ioh jingkhien.

Haba kren ha ki lat pathai khubor mynta ka jan miet ha dien bala khang ka jingiathep vote la iathuh ba ha 13-Mawryngkeng ka jingiathep vote ka long 74.69%, ha 24-Mawphlang ka long 75.97% bad ha 47-Rajabala kala kot sha ka 90.63%.  Kane ka jingkhein ka long haduh ka por 5.00 baje jan meit.

La iathuh ba ka jingiathep vote ha baroh lai tylli ki konstitwensi kala iaid beit khlem don kano kano ka jingthut, la ong ba na ka liang jong ka election commission ka Ri India kala pynbiang ia ki bor pahara ban peit ba ka ileskhon kala iaid beit.

U CEO u la iathuh ba ha kane ka sngi bun kiba dang ioh ban thep vote nyngkong ruh ha kaba ka ophis kala ai ia ki syrnot sha ki bad la iohi ba bun ki paidbah kila ia mih naduh ki tynmen ki kro ruh ha baroh lai tylli ki konstitwensi.

Haba ia dei bad ki EVM mashin ki don hynriew tylli ki mashin kiba don jingthut, na kine lai tylli ha Khasi Hills bad lai tylli kiba dei ha Rajabala, na kin ear tylli ki kor EVM kiba la thud ha Mawphlang bad kawei ha Mawryngkeng bad lai tylli kiwei pat ha Rajabala, ki mashin kiba pyndon kam  mynta kidei ki M-3.

Na ka liang ka ophis kala pynkhren ban niew vote bad baroh ki jaka thep vote ki don 168 ha ki lai tylli ki konstitwensi, 1,02,695 ngut ki nongthep vote, u CEO u la ong ba ka jingthep vote kan kiew namar kane ka jingkhien ka dei tang haduh 5.00 baje jan mieit ynda la ioh lut la lah ban tip ia ka jingkhein kaba pura, namar kumba ka long mynta ki dang ap ia ka jingkhien na ki 20 tylli ki polling station.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet