Shillong, Iaiong 28: Kiba pynkhuid ia ka nongbah Shillong ki don ar tylli ki bor ha ki jaka ba peit ka Shillong Municipal Board ki briew jong ka ki pynkhuid bad ha kijaka ba hap hapoh ka jingpeit jong ka Shillong Cantonment Board ka pynkhuid maka.
Ka Paltan Bazar ka hap ha ka jingpeit jong ka SCB bad ka jingpynkhuid ia kane ka iew dielang ruh la peit da ka, hynrei kaba ki paidbah ki ujor ka long ba ki nongpynkhuid ia kane ka iew ia ki jaboh ki khyniat sha kawei ka nala kaba don ha katei ka jaka.
Na ka liang jong ki paidbah ki kwah ban ka SCB ka dei ban khot ia ki niut bad bret sha ki jaka kiba kala buh, hynrei ha kane ka jaka ia ki niut la bret ha ka nala um kaba don ha kantei ka jaka bad mynta kala dap snam kane ka nala.
Ha jan katei ka nala ka jingshisha ka Shillong Cantonment Board kala mang ia ka jaka ba kin bret ia ki jaboh kiba mih na ki dukan, na ki daw kiba ym lah ban tip dei tang ka SCB kaba lah ban tip ba ia ki jaboh la bret ha nala.
Halor kane ka jingud jingnam jong ki briew haba u SP News Agency u la poi sha katei ka jaka la ioh ba ia ki jaboh kiba la pynkhuid na Paltan Bazar la sar ia ki ha thmier kane ka nala bad la shem ba ka nala kala dap smam da ki jaboh kaba ki kali ki iaid na kane ka surok.
