Kiba test COVID-19 positive mynta ka sngi ki long 14 ngut na kine 11 na East Khasi: A L Hek

Shillong, Nailar 13: U bah A L Hek myntri ba dei peit ia ka tnad ka koit ka khiah u la iathuh ba  mynta ka sngi kiba la test Covid-19 positive ki long 14 ngut, na kine 11 ngut ha East Khasi Hills, 1 ha North Garo Hills bad 2 West Garo Hills.

Na ka liang jong u myntri u la iathuh ba na kine ki 11 ngut, lain gut ki dei na ki kynhun shipai bad 8 ngut ki dei ki riew paidbah. Ar ngut ha West Garo Hills dei ki riew paidbah kawei dei kaba shnong dukan bad ha North Garo Hills u ba la test COVID-19 positive dei u ba leit phai na Pynthorbah.

Ha ba batai shai shapahng ki ne ki briew ki ba la test Covid-19 positive u myntri ka tnad ka koit ka khiah u ba ki phra ngut kiba dei na East Khasi Hills ki long,  2 ki dei ki ba dang shu wan  na shabar ka jylla ,2 ki dei ki ba don ka jingshitom bad haba ki leit ban shim dawai la shem ba ki long Positive, 1 wei  dei ka nurse jong ka NEIGRIHMS Hospital.

U wei u dei ba ia jan bad u wei u briew bala test COVID-19 Positive  na Upper Mawprem,kawei ka dei ka ba don jingiajan bad kawei ka briew kiba la dep test COVID-19 positive  bad ba wan phai na Assam.

Kiba shitom baroh ha ka jylla ki long  640, East Khasi Hills 436 ngut, ha Ri Bhoi 83, West Khasi Hills 3, South West Khasi Hill 1, West Jaintia Hills 16, East Jaintia Hills 6, West Garo Hills 84, South Garo Hills 2, North  Garo Hills 6 bad South West Garo Hill 3.

Ki briew ki ba la ioh jingkoit haduhmynta ki long  547. Ki nongmuna kiba la lum haduh mynta ki long 42,706 tylli  kiba la dep ban test bad kiba long negative ki long 41097 tylli bad ki result ki ba dang ap ki long 816 tylli. Ki briew kiba wan phai sha ka jylla haduh mynta ki long 27522 ngut.

What Next?

Recent Articles

Leave a Reply

Submit Comment

*