Shillong, Nohprah 16: Ka Deputy Commissioner jong ka East Khasi Hills District mynta ka sngi kala pyntip paidbah ba kito kiba la shah khot ban poi sha ka jingialang paidbah bala pynlong da ka North Eastern Council ban wan u mytnri rangbah duh ka Ri India u Narendra Modi ki dei ban poi noh shuwa ka 9.30 baje mynstep.
Kane ka jingialang paidbah ha ka 18/12/2022 kaba u myntri rangbah duh ka Ri India un wan ka long ban rakhe ia ka jingdap 50 snem ka North Eastern Council, ka jaka rung ia ki paidbah kan long na khyrdop jaka ieng kali jong ka SRGT.
La pyntip ba ha kane ka jingialang ban wan u myntri rangbah duh ka Ri India, kiba wan ban ia shim bynta la pyntip ba la khang ban nym rah ia ki bilor um, sikret , jingpruid, ne kino kino ki tiar pynmynsaw yn nym shah ban rah sha jaka ba long jingialang.
Haba ia dei bad ka jingpyniaid ia ki kali ha katei ka sngi kaba wan u myntri rangbah duh jong ka Ri India ka Deputy Commissioner jong ka East Khasi Hills District ka la pyntip ba u Superintendent ki pulit un sa pynmih ia ka jingpyntip.
