Shillong, Naitung 19: u bah George B Lyngdoh MLA jong ka TMC mynta ka sngi u la leit ban jngoh ia ki nonghikai skul SSA kiba la shong ban ia khih ban dawa ia ka tulop kaba la sah mynta hynriew bnai kiba ka sorkar kam pat siew.
Haba kren ha ki lat pathai khubor u bah George B Lyngdoh la ong ba ka jingwan jong u ban ia kynduh ia ki ka long ban pynpaw ia ka jngsngewlem ha kaba ki nonghikai ki ia kynduh ia ka jingeh bad ha juh ka por ban sngewthuh kham bniah ia ka jingeh jong ki.
Na kaei kaba u la ioh ban ia kren bad ki nognhikai la ong ba ka sorkar kala buh ia ki daw ki bym shong nia ei ei ruh em da kaba shu khyniat na kawei ka shuki sha kawei pat ka skhuki ia kane ka jingleh nong hikai bad ka paw ba ki nongialam ha k sorkar kim don ka jingiasngewthuh jingmut ban weng ia kane ka jingeh.
Kum ki dkhot ka liang pyrshah kila shim ia kane ka bynta ban kren bad kila juh ong ia ka sorkar ban weng ia ki jingeh jong ki nonghikai SSA lane kiba hikai Adhok, kumba ka paw na ka sorkar kim don ha ka juh ka jingsngewthuh namar u myntri rangbah, u myntri ba dei peit ia ka tnad pule bad ki ophisar ki kren la ka jong ka jong ka sur, kumba ka paw kim shym la shim khia ban weng ia kane ka jingeh.
Kine ki nonghikai SSA kila ia kynduh ia ki bor sorkar ha ka 18/7/2022 hynrei kim hun ia kaei kaba ki ioh ia ka jubab na ki ophisar dei na kane ka daw ba kila sa pynlong ia kane ka jingiakhih shong kyllain mungor kaba khlem buh por ha khmat jong ka additional secretariat ha kaba kila rai ba kin shong haduh ba kin da ioh ia ka jingdawa jong ki.
