Shillong, Rymphang 03: U Chief Electoral Officer jong ka jylla Meghalaya la pyntip ba kin poi 120 kompnei ki kynhun pulit CrPF ha kane ka jylla Meghalaya ban pahara ha kane ka elekshon MLA ka ban long ha ka 27th Rymphang 2023.
U CEO la ong ba na kitei ki kynhun shipai CrPF kiba la poi sha kane ka jylla Meghalaya ki don 40 kompeni ia kaba la pyndon kam ia ki ha bun ki jaka jong ka jylla, 80 kompnei kiba dang sah kin wan poi sha kane ka jylla ha dien ba la dep ka elekshon sha ka jylla Tripura.
Ban pynlong ia ka elekshon kaba iaid beit la ioh ba ki pulit ryngkat ki CrPC kila pynlong ia ki jingtalasi ia ki kali ha kylleng ka jylla wat hapoh kane ka nongbah Shillong ym tang myn sngi hynrei wat la ka por miet ruh kum juh bad kane ka jingtreikam ki pulit ka long baroh 24 kynta.
