Kito kiba pyrshah ia ka jingdawa ILP ka bha ba kin mih noh na Meghalaya: KSU

Shillong, Nohprah 30: U President ka seng Khasi Student Union (KSU) haba kren ha ka jingrakhe ia ka lyngkhuh sngi iap ba 157 snem jong u Woh Kiangnangbah ha ka jingialang mynta ka sngi ha khamt u dor mut jong u tei u riew khraw ha jan Civil Hospital Shillong u la ong ba ka  Ka sorkar jylla kala shim ia ka rai ban pyntrei kam ia ka inner Line Permit (ILP) bad ka la phah sha Delhi  ha dien ba ki 60 ngut ki MLA kila ia mynjur ban dawa bad ban pyntrei kam ia ka ia ka ILP hapoh ka jylla Meghalaya.

Ha kane ka jingialang paidbah u la ong ba kam dei ka jingkmen ba ka iing dorbar thawain ka jylla kala pdiang ia ka rai, hynrei kane ka long tang ka sien jam kaba nyngkong ka sorkar ban dawa ban pyntrei kam ia ka ILP hapoh kane ka jylla. Kum ka seng naduh ka 19 tarik mynta u bnai kila kren shai ba ka jingialeh bad ka jingdawa kan dang iaid sha khmat ha kaba ka seng kala leit kylleng ban pynshai bad ban kren ia ka juh ka mat.

La ong ba ha dien u snem thymmai ka KSU ryngkat bad kiwei ki seng bhalang kiba don ha syndah jong ka seng kin iaid sha khmat ha ka jingiakhih jong ki haduh ba kane ka jingdawa ia ka ILP kan da urlong. Kane ka jingdawa ia ka ILP kam dei ba dang kha thymmai ha u 2015  hynrei kala dei ka jingdawa kaba la shong la mih la kha naduh u snem 1985.

Hynrei na kawei ka sorkar sha kawei ka sorkar kiba u paidbah jong ka jylla u la pynkup ia ka muhor hynrei kaba sngewsih ka long ba jynjar ban mih ki ain ki kanoon ban iada ia ka jaitbynriew. Mynta ka shong ha ka ksangti jong ka jaidbynriew kumno ban rai kumno ban leh nangne sha khmat. Ka jingkhot jong ka sorkar ia ka dorbar kyrpang ban shim ia ka rai ka dei ka sur jong u paidbah na kylleng sawdong jong ka bri u hynniewtrep, kynthu ruh nangtei na ri lum Garo ruh kum juh.

Na ka liang jong u President ka KSU u la ong ba kane ka juh ka sur kan dang iai neh na kane ka jylla ba ka sorkar India kan sngap ia ka jingud jingnam jong ki paidbah kane ka jylla baroh kawei. Hynrei kala iaid ka hamsaia ba ka sorkar pdeng kan nym ai ia ka ILP ha kane ka jylla Meghalaya. Ka jingkylli ka long lada ka sorkar pdeng ka lah ban ai ia ka jylla Manipur balei kam lah ban ai ia ka jylla Meghalaya.

Lada ka sorkar pdeng ka niew ba ka jylla Meghalaya ha hap hapoh ka Riti Synshar jong ka Ri ka sorkar pdeng ka dei ban ai ia kita ki ain kumba kila thmu. Lada kam lah ban ai ka long ba kita kiba don ha ka bor synshar ha Delhi ki kwah ba yn khylli biang ia ki durlir jong ka jaidbynriew baroh kawei. Lada ka long kumta hap ban sngewthuh shai kaei ban pyrkhat kaei nangne sha khmat.

La ong ba kum ka jaitdbynriew kala sei ia u Kiangnangbah u ba la shah sdien phasi, u Tirot Sing u bala iap ha byndi, hynrei u la ong ba ia kane ka juk kaba mynta ladei ban ia khun kampher ba ki don ha ka jingiakhun ym ba kin pyndem.

U la ong ba kila don ki leit sha Delhi ban dawa ban nym ai ia ka ILP ha kane ka jylla, na ka liang jong u President ka KSU u la ong ba lada kito kiba leit ban dawa ban nym ai ILP ha kane ka jylla, kan bha ia ki ba kin mih noh na kane ka jylla Meghalaya.

Ha kane ka jingialang mynta ka sngi u president ka KSU u la ong ba ka sorkar kala dep ban shim ia ka rai ban dawa ba ia ka ktien khasi dei ban pynrung noh ha ka khyngit kaba phra jong ka Riti Synshar jong ka Ri India, kaba dang sah mynta ka Delhi, na ka liang jong ka seng KSU kala ong ba kane ka sorkar kaba mynta ka dei ban shimkhia ia kane ruh ba ka jingdawa jong ka jaidbynriew ka dei ban urlong. Lada kim lah ki paidbah kin sa pan ia ka jingkhein shisien ka sngi.

U President ka KSU u Samla  Lambokstarwell u la ong ba ka seng kala juh ai ia ki khusnam ban pynshlur ia ki samla ha ka jingpule namar kum ka jaidbynriew ka don kam ia ki briew ban don ha ki kam sorkar ha ki kyrdan ophisar kumta ter ter, ki samla ban ia don bynta ha ka synshar khadar bad kiban ia khun ha madan, hynrei kaba sngewsih ka long la don u samla rangbah bala bit la biang ban shimti ia ka kam Chief Secretary  jong ka jylla hynrei kaba sngewsih ka long ba ki bor sorkar kila ai ia kane ka kam sha kiwei pat.

Na ka liang jong u nongialam jong ka KSU u la ong ba kane ka long ka khubor kaba shai ba ki nongmih khmat kim shim biang ia ka rai ba ki trai ri trai muluk kin shong ha ka bor ban synshar. Lada ai lad ia kiwei haba la don ki briew kiba la bit la biang lah ban ong ba ka dei ka sorkar kaba arsap, la kynnoh u nongialam rangbah ka KSU ha kane ka jingialang paidbah.

U nongialam ka KSU u la ong ba kum ka seng ka pyrshah ia ka CAA bad nangne sha khmat kim dang leit ban pynshai paidbah ia kane, ha ka juh ka por la kyntu ia ki seng niam ba wad la ki don ha kano kano ka niam hynrei ka jaidbynriew ka dei tang kawei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet