Shillong, Risaw 02: U Myntri Rangbah ka jylla u Conrad K Sangma u pynpaw ia ka jingsngew kmen ban iohi ha ka por ba u leit sha Tura mynta ka sngi u shem ba ki paidbah ki pyndon kam ia kaDC Park ha Tura ba kin ialehkai Chess bad kane ka long man ka sngi u blei.
Ki paidbah nongshong shnong ka Tura kila leit sha katei ka jaka shongkai tang ban ialehkai ban pynjah thiat na ki kam kiba bun bad ki khynnah ban ia leh kmen sngewbha ha kaba kila ia leh kai lang para ba ia wan kai hapoh ka DC Park.
U myntri rangbah haba iohi ia kane ka jingkmen ki paidbah nongshong shnong ba ki ioh ia kane ka lat ban ia lehkai, na ka liang u myntri rangbah ka jylla u la bthah ia u Deputy Commissioner jong ka West Garo Hills ba un pynlong ia ka ka jingiakop lehkai Ches ban pynshlur ia ki khun samla.
Ha shuwa ban poi sha Tura u la sangeh ha Garobadha ha West Garo Hills District ban ai khublei ia ki paidbah ha katei ka jaka ka jinglehnaim Durga Puja ba suk ba kmen bad ka jingkhublei ka long ia baroh ki Puja Committee kiba don ha katei ka thain.
