Shillong, Naitung 01: Mynta ka step ki nognhikai skul Adhoc kila sngap ia ka jingbthah jong ki bor ka District Administration ha kaba kila kynriah noh ia ka jingiakhih shong kyllain mungor na khmat Secretariat sha jaka ieng kali ha Additional Secretariat.
Kane ka jingiakhih jong ki nonghikai Adhoc hapoh jong ka lama FASTOM kala poi sha ka sngi kaba saw mynta ka sngi ha kine ki lai lai meit kila shong ha khmat Secretariat hynrei mynta ka sngi kila kynriah ia kane ka jingiakhih sha jaka ieng kali ha Additional Secretariat.
Ki nonghikai kiba la ia shim bynta ha kane ka jingiakhih ki long na kylleng ki bynta jong ka Ri Khasi Jaintia bad kiba ia don ha ka jingiashong kyllain mungor ki don palat spah ngut, ha kine ki lai sngi kiba la leit noh la don shibun ki seng bhalang ki seng sain pythei kiba la leit ban jngoh ia ki.
Ha Tura u myntri rangbah ka jylla haba u la wan phai na Delhi u la leit ba ia kynduh ia ki nonghikai kiba la pynlong ia ka jingiakhih ban ia kren bad ki halor kane ka jingiakhih, katba ha Shillong u Symbut myntri rangbah u bah Prestone Tynsong u la khot ia kren ia ki mynta.
Haduh ba thoh ia kane ka khubor jingiakren ha pdeng ki nongialam ka FASTOM bad y symbut myntri rangbah ka dang iaid sha khmat ha kamra trei kamu bah Prestone ha Secretariat, na ka liang ka FASTOM la lam khmat da u President u bah Diningroy Marwein.
