Shillong, Risaw 06: U Bah Kimfa S Marbaniang MLA jong ka 33-Rambrai Jyrngam u la kubur ba ha khappud Meghalaya Assam ki don ki briew kato katne kiba don ar tylli ki EPIC ia kata te ym lah lait.
Haba kren ha ki lat pathai khubor u la ong, katno spah ngut ki briew kiba la dep ban leit ban aiti noh ia ki EPIC ia kata un nym lah ban ong namar ym pat ioh ia ka jingkhein kaba biang kaba biang haduh mynta.
Haba phai pat sha ka jingia dei bad ki briew kiba don ha khappud la ong ba bun na kito kiba sah ha khappud ki kwah ban don hapoh ka jylla Meghalaya, haba ia dei bad ka jingjurip ka dang iaid sha khmat hynrei kam dei ban ktah paidbah ia ki paidbah.
Kaei kaba ki kwah ka long ba kam dei ban ktah ia ka imlang sah lang bad kam dei ban don ka jingshah pyndik jong ki paidbah, ia mynta hi ki briew kiba don ha ki thain Athibari kim don.
Kiba don ki briew kiba bat ar tylli ki EPIC ki long kum ka thain Aphiam, Salpara, Gazang, ha kine ki thain ki don khyndait eh kiba don ia ar tylli ki EPIC, kata na Meghalaya bad kum juh na Assam. La ong ba bun na kine ki jaka dei kiba ia shong khleh ki briew, la ong u bah Kimfa.
