Shillong, Iaiong 22: Mynta ka sngi ka seng KSU kmie ba dei peit ia ka tnad pule ka la leit ban iakynduh ia ka Deputy commissioner jong ka East Khasi Hills District ka kong Isawanda Laloo ban iakren halor ka bynta ban pyllait ia ki dukan die kot na ka thup jong ka non-essential commodities hakane ka jingpyrkhing covid-19.
Ia Kane ka sienjam ka seng ka la shim hadien ba ka la shem bad sakhi mynshem snem ia ka jingjynjar ban ioh ban thied ia ki kot pule na ka bynta ka jingpynkhreh ia ki eksamin bad ki jingdonkam bapher bapher jong ki samla pule.
Hakane ka jingiakynduh naka liang ka Deputy commissioner kala pyntikna ban shim khia ia kane ka bynta bad khnang ba kan nym don kano kano ka jingkthah iaki samla pule kumba la kdew bad pyni da ka seng yn ailad ban plie iaki dukan die kot pud sngi lane odd bad even kum ba la leh iaki dukan mynshem snem haka por khangdam khangdam.
