Shillong, Nohprah 13: Mynta ka sngi ka tnad ba dei peit ia ka pule puhti jong ka seng samla pule KSU hapoh ka jingialam jong u samla Raymond Kharjana, Education secretary bad u Samla Reuben A.Najiar asst education secretary Jong ka KSU Seng Kmie bad kiwei ki dkhot kila ia kynduh ia ki nongpyniaid jong ki ar tylli ki skul.
Ki skul kiba ka KSU kala ioh kynduh ka long ia ki bor pyniaid ia ka skul R.B Anupchand secondary school bad Arya Vidhyalaya secondary school kane ka jingiakynduh ka long halor ka jignthung ia ki kam nonghikai.
Kane ka jingiakynduh ka la long hadien ba ka Seng ka la ioh iaka jingtip ba ki nongpyniad Jong kine ki artylli ki skul ki la pan ba ki nongthep kam hikai kidei ban dei kiba la pule iaka subject Hindi ha ka Secondary school leaving certificate (SSLC) naka bynta ka kam hikai assistant teacher English ha R.B Anupchand secondary school bad Science teacher ha Arya Vidhyalaya secondary school.
Naka liang ka seng ka la takrain tyngeh bad pynsngew iaka jingbym pdiang Jong ka Seng iakane ka jingleh Jong kine ki artylli ki skul. Naka liang ka seng ka pynpaw ruh ba kum kine kiei kiei ki jingleh kidei tangbki buit poh Jong ki nongpyniad skul ban thep bad pynrung da ki briew lajong ki bym dei naka Jaitbynriew Khasi.
Naka liang ki nongpyniad ki la kular ban pynbeit noh mardor iakane ka bynta bad ban pynmih noh da kaba thymmai iaka jingkhot application ban thungkam haki khyndiat sngi lyngba ki lad pathai khubor.Ka seng ka pynpaw ruh iaka jingsngewnguh iaka ka Ophis Jong ka District school education officer (DSEO) nakabynta ka jingshimkhia ka Jong ka hakaba iadei bad kane ka kam.
