Shillong, Risaw 22: Ka kynhun ki nonghikai skul SSA hapoh ka jingialam jong u bah Aristotle C Rymbai President Meghalaya SSA Schools Association Central Body kila ia kynduh ia u symbut myntri rangbah ka jylla u bah Prestone Tynsong ban ia kren ia ka tulop kaba dang sah.
Ha kane ka jingiakynduh na ka liang jong u bah Prestone u la ai ka jingkular sha ki nonghikai SSA ba ka sorkar kan siew ia ka tulop kaba dang sah ka jong ki shuwa ka Khristmas, na ka liang jong ki nonghikai ki khmih lynti ba kan long kumba la ia kren.
Ha kane ka jingiakynduh kila ia kren ruh ia kiwei kiwei ki jingdawa jong ki nonghikai ba kasorkar ka dei ban siew ia ka tulop jong ki man ka lai bnai bad ka sorkar ka dei ban thung ia ka State Education Commission ban peit ia ki jingeh jong ki nonghikai.
Ha kane ka jingiakren u sumbut myntri rangbah ka jylla la ong ba ia kane ka jingdawa jong ki nonghikai kin sa rah sha ka kabinet ka ban long ha ka taiew ba nyngkong u Naiwieng bnai ban wan. Kane ka long katkum ka kyrwoh kaba la phah d au bah Aristotle Rymbai.
