Kular u Dr DD Lapang ia ka MAWU ban long u ksiang bad ka sorkar ban ia kren ia ki jingeh

Shillong, Jylliew 05: Mynta ka sngi ka seng Meghalaya Asha Workers Union (MAWU) kala rakhe ia ka jingsap phra snem jong ka seng ha Madan Student . Kiba trei ia kane ka kam palat ha jar ngut ki kila ia poi na kylleng jong ka jylla ban sakhi lang ia kane ka sngi ka jong ki.

U Dr DD Lapang ha ka jingkren ka jong u kum u kongsan ha kane ka sngi u la kular ia ka MAWU ba u long u ba la kloi ban long  u ksiang hapdeng kane ka seng bad ka sorkar ban pynsngew ia ki jingeh ki jong ki.

Na ka liang jong u nongaibuid ka sorkar u Dr Lapang u la ong ba kane ka kam kaba ki trei ka dei ka kam shakri ia u Blei namar ka kam jong ki ka long bad kiba duk ba rangli ha ki nongkyndong khamtam eh bad ki briew kiba dang duna ha ka jingnang jingtip.

U Dr Lapang u la ong ba ha ka jylla Meghalaya baroh ki ASHA ki don haduh 6258 tylli ki shnong, kane kam dei kaba rit kaba mut ba ha baroh ki shnong ha ka jylla  ki don ki ASHA. Ki ASHA ki long kum ki ia kynpham lem ha ka pang ka shitom ha ki nongkyndong.

Haba ia dei bad ka jingeh kaba ki don u la ong ba shuwa ba kin ia kren bad ka sorkar ki dei ban da wad bniah khang ba ka jingdawa ka jong ki ha kaba ia dei bad ka jingsiew kan long kaba shongnia. U la ong ba ka sorkar ruh ka bun kam lada ym lah ban iai kren kan nym poi shaei shaei ha kaba ia dei bad ki jingdawa.

Ha kane ka sngi na ka liang jong ka MAWU kala pynpaw ia ka jingai khublei ia ka sorkar kaba la pynlait ia ka pisa kaba dei na ka ABS bad APS kaba la kot sha ka T.26 klur tyngka. Ia kane la pynpaw da ka kong Bertina ha ka jingkren ai khublei.

Ha ka jingkren u Bah R Thabah President jong ki Masteroll u la ong ba ka jingioh jong ki ASHA ka long kaba rit shisha, hynrei kala dei ka por ba ki don kam ban pan na ka sorkar ia ka jingsiew kaba biang ha kaba u la ong “ haba thangan ka kpoh ban shakri blei ruh ka eh”.

Ha kane ka sngi la don ruh kiwei kiwei nongkren kiba dei ki dkhot jong ka MAWU bad kila don ruh ki jingshad bad ki jingrwai ban pynphuh ia kane ka sngi.Ia ka jingialang la pyniaid da ka kong S Marboh President.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet