Shillong, Jylliew 24: Mynta ka sngi u bah Nujorki Syngoh MLA ka Mookaiaw Konstitwensi u la ialam ia ki rangbah shnong ka thain Barato, Saba bad Mukroh sha u myntri rangbah ka jylla u Conrad K Sangma ban dawa ba dei ban pynsangeh ia ka police outpost bala wan shna da ka Assam ha Shnong Saba ha West Jaintia Hills District.
Haba kren ha ki lat pathai khubor ha dien ka jingia kynduh ia u myntri rangbah ka jylla, u bah Syngoh u la ong ba na ka liang jong u myntri rangbah u la ai ka jingkular ban ia kren bad u myntri rangbah ka jylla Assam hal or kane bad ban pynthikna ban pynsangeh ia kane ka police outpost.
La iathuh ba kane ka police outpost kaba la wan shna ka Assam ka long haruh jong ka shnong Saba kaba jngai tang arphew minit ban iaid kjat na shnong bad kane ka jaka kamhap hapoh kata kaba ki ong ba don ka jingiaknieh.
Dangshen u myntri rangbah ka jylla u la ai ka jingkular ban bub ia ka police outpost shnong Barato bad kane ka jaka ka happy hapoh ka jylla Meghalaya, ka jingeh ki briew ha katei ka thain ka long ba ki shah pyndik man ka por ha ki briew jong ka Assam.
