Shillong, Iaiong 22: Ka KSU Shillong Law College Unit hapoh ka jingialam u samla Alerick Kharjana General Secretary bad u samla Baniarap Snaitang Vice President ki la leit ban iakynduh ia u Prof. Henry Lamin Pro Vice Chancellor jongka skulbah North Eastern Hill University halor ka jingpynslem iaka Result jongka 2nd semester bad 4th Semester jong ka LLB.
Ha kane ka jingleit ban iakynduh ia u Pro Vice Chancellor la synran lang da ki nongialam ka KSU Sengkmie naduh u samla *
Shiningstar Kharbihkhiew Asst. Education Secretary KSU Sengkmie , u samla Forwardman Nongrem dkhot ka CEC Member KSU Sengkmie bad kumjuh ruh ki dkhot jongka KSU NEHU Unit.
Ha kane ka jingleit iakynduh ka Seng ka la pan jingshai halor ka jingsuki bad pynsahteng ban pynbna iaka result 2nd semester bad 4th semester jong ka LLB Law watla la dep ban thoh naduh u bnai kyllalyngkot jong mynta u snem watla k samla pule Law ki la dep ban thoh eksam wat iaka 3rd semester bad 5th semester ha u bnai Lber .
Kane ka jingpynslem ka la ktah iaki samla pule khamtam ba kin nym lah shuh ban peit bniah iaki marks jong ki na bynta ban leh khambha haki examine jongki semesters ba hadien jong ki.
Ha kane ka jingiakynduh naka liang ki bor pyniaid ka skul bah NEHU naduh u Pro Vice Chancellor bad u Registrar of Examination ki la kular ban pynbiang bad pynmih noh iaka result hapoh jong une u bnai .
Ka Seng ka khmih lynti ba ki bor pyniaid NEHU kin shimkhia ia kane ka mat na bynta ka jingmyntoi jongki samla pule Law hapoh jong ka jylla hi baroh kawei.
