Shillong, Jymmang 17: Mynta ka sngi ka party All India Trinamool Congress (AITC) kum ka jingiatylli kawei ha ka Ri India kala pynlong ia ka jingiaid paidbah ha West Garo Hills District na Tura sha Teteng Aja, ia kane la pynpaw ha ka X.
Kane ka jingiaid paidbah ka long bab burom ia ki shipai namar ki kam shlur ka jong ki ban iada ia ka ri, ia kane ka jingiaid paidbah la ialam da u nongialam ka liang pyrshah u Dr. Mukul Sangma ha ka jingiadon lang ki nongkyrshan ka party.
Kane ka jingiaid paidbah ka dei ka bor kaba khlain bah ban pynpaw ia ka jingialang kawei jong ka Ri India bad ka jingburom ia ki shipai kiba la len lada ban pha ia la ka jingim ban iada ia la ka jong ka ri, kum ka jingburom la pynlong ruh ia ka jingthang mombati.
