Shillong, Jylliew 09: Ka Agatha K Sangma ka MP ba marwei jong ka seng National People’s Party, ka la ong ba kum ka MP ba marwei jong ka party kan kren ia ka North East baroh kawei ha iing dorbar Parliament, ia kane kala kren ha ka jingialang jong ka NPP Northeast Co-Ordination Committee kaba la long ha State Convention Centre, Shillong.
Ka Agatha kala ong ba kum ka party NPP, mynta kaba la ioh ia ka kyrdan National Party ka don ia ka jingkitkhlieh kaba kham khia shuh shuh ban trei na ka bynta ki paidbah jong kane ka dong shatei lam mih ngi bad ia ka Ri Baroh kawei.
“Wat la nga dei tang marwei ka MP na kane ka party NPP na Meghalaya hapoh parliament, hynrei ngan kren kum ka nongmih khmat na ka bynta ka jingdon kam kane ka thian shatei lam mih ngi baroh kawei” la ong ba Agatha.
Kane ka MP na Tura kaba la long teng ruh ka myntri khynnah ha ka sorkar pdeng kala ong ba kane ka jingioh ia ka jingithuh kum ka National Party ia ka party NPP ka long tang ka jingsdang, ka long ba lada u kpa jong ki u Purno A Sangma yn jinda lada don lang yn jinda la kmen.
