Shillong, Kyllalyngkot 17: U ba George B Lyngdoh u la pyntip ba kane ka jingshim rai jong ban ia ai reng ha ka election MDC ka dei hadien ba ma u bad u ba MDC barim ka Umroi Constituency ki la don ka jingïakynduh lang ban iamir jingmut ban pyrkhat khambha na ka bynta ka lawei jong ka constituency. Ha kaba ki la pyrkhad dakawei ka jingmut ia ka ban pynlum lang ia ki nongkyrshan jongki arngut ha kawei.
U la ong ba ha kane ka jingiakynduh lang ban pyrkhat ki la shim ka rai ban pynmih kyrtong shimet na ka kynhun ba la tip kum ka Umroi Constituency Progressive Furom, hynrei ki la duh noh ia u kyrtong bad katto katne ki dkhot jong kane ka kynhun ki la leit ban pyniasoh noh sha ka seng Congress kaba kum ka kynhun kim sngew iahap jingmut ban pyniasoh.
Kumjuh ruh na ka liang u bah Albinus Lyngdoh ba la shah pynduh tickets na ka seng Congress ki la shong ban ia pyrkhad lang ban saindur thymmai ia ka lawei ki paitbah ka Umroi Constituency.
U la ong da ka jingiamynjur lang jong artylli ki kynhun, na ka ki nongkyrshan jong I ba Albinus Lyngdoh bad ki nongkyrshan jong u bah George B Lyngdoh ki la shim ia kawei ka rai ba u bah George B Lyngdoh u MLA barim ka Constituency un long u kyrtong ban ia aireng ha kane ka election MDC 2025.