Shillong, Nailur 03: U Myntri rangbah ka jylla u Cornad K Sangma mynta ka sngi u la khot ia ka jingialang jong ki Regional Committee halor ka kam pynbeit pud bad kila ia kren bniah bad kane ka long ba ka sorkar ka kwah ban ioh ia ka kaiphot na ki Regional Committee.
U Myntri Rangbah ka jylla u Cornad u la ong kumba ka long kala don ka jingiakren bniah katkum ki kaiphot ha kaba kila ia kren bniah bha bad kane ka long katkum ka jingdon ki jaidbynriew kaba kila don, ka jingdon jong ki shnong, ka jingsuk ba ki briew kin wat ia ki jingiarap jong ka sorkar na ki shnong kiba don la ka long ka khana samari jong ka jylla Meghalaya ne na ka jylla Assam.
Ka long ka jingshim ia ka bor ding na ka Assam ne na Meghalaya, kane ka jingiakren kaba ka long mynta ka sngi ka jigniatai bin pa bin ia ki jingshisha bad kaei kaba ia kynduh ha kito ki shnong kumba ka long mynta. Kumba ka long ki ophisar na ka jylla Meghalaya ruh kila leit sha kito ki shnong.
Na kane ka jingleit la ioh ruh ia ka jingtip na kito ki nongshong shnong bad ban sngewthuh ia ka jingmut jingpyrkhat jong kito ki briew kiba don ha kito ki shnong, namar ka jingbun ym lah ban batai ia kawei pa kawei. U Myntri rangbah u la ong ba u la shim khia ia kane ka phang ha kaba ia dei bad kane ka kam pynbeit pud.
Haba ia dei bad ka phang ban shim ia ka rai jong ki paidbah sha ei ki kwah ban don, kane ka shulong tang kawei na ki bynta, hynei kane ka jingiakren ka long ba ki hap ban peit na ka jingdon ki jaidbynriew, ka jingbit jingbiang ia ki briew, hap ban peit ia ka jingkam katkum ka history kin hap ban peit lang ia kine baroh.
U Myntri Rangbah ka jylla u la ong ba kim pat buh sngi lano kum kane ka jingialang kan long biang namar la bthah ia ki DC ba kin dang punlong shuh shuh ia ki jingialang ba kin ia kren bniah.
Ia kane ka Regional Committee la khot mynta ka sngi ban ia kren halor ka kampud kam sam ha kaba kila ai jingpynshia halor ka jingshem ka jong ki ha kaba kawei pa kawei ka committee ha kaba ki members secretary ki dei ki Deputy Commissioner , Ri Bhoi , West Khasi Hills bad East Jiantia Hills bad ki shongknor jong ki committee ruh kila don lang ha kane ka jingialang.
U Myntri Rangbah u la ong ba kane ka jingialang kaba la long mynta ka sngi ka long tang ban pyniaid sha khmat ia kane ka jingiakren bad ban wat ia ka jingia pynbeit khappud hapdeng ka jylla Meghalaya bad ka jylla Assam. Kum kane ka jingialang kin dang don sa ar lane lai sien bad ki Regional Committee ruh kin don la ka jong ka jingiakynduh ha pdeng jong ki.
Ha dien ka dorbar synrai kan sa don ka jingialeit jngohlang ia ki jaka hapdeng ki Regional Committee na ka jylla Meghalaya bad ka jylla Assam, kane ka jingialang mytna ka sngi ka long ban iohi ia ka kaiphot kaba nyngkong na kine ki Regional Committee.
Kubma ka long na ka liang jong ka jylla Meghalaya kala dep ban pynmih ia ki jingpynbna na ka liang jong ka sorkar bad ia ka Assam yn nym lah ban ong ei ei, hynrei katkum ka jingtip kaba la lah ban ioh la ong bana ka Assam ruh kila dep ban pynkhreh kaba sah ka long sa tang ka jingpynbna.
Naduh ka sngi kaba sdang la ong ba kane ka jingleh kaba mynta ka long ban kylla na ka nongrim kaba juh don baroh shi katta halor kane ka jingeh ba ia dei bad ka khappud, kane mynta ka long ban peit na kawei ka rukom pyrkhat ban weng ia kane ka jingeh kaba la don slem.
Dei halor kane ka nongrim ba kila shum ia ka rai ban peit ruh ia ka history kumba la kam da ki hima khasi bad ha ka juh ka por hap ban peit ia ki jinglong kumba ka long mynta, ia ka jingdon jong ki briew kiba don mynta katkum ka jingdon ki jaidbynriew ban peit ia ka jingsuk ki briew ha ki jingdon kam kiba man ka sngi.
Hap ruh ba peit ia ka jingsngew jong ki briew kiba don ha kito ki jaka, kane ka long ba peit ia kane ka bynta ha ka rukom kaba shisha, na ka liang jong ka History bad kum juh na ka jinglong kumba ka long mynta bad ki hap ban peit ia kaei kaba jia ha madan kumba ka long ki don ka jingiaknieh hynrei haba peit pat kam don kum kata.
Kumba ka long mynta 20% haduh 30% ei ei ki shnong kiba don ha khappud ka don kata ka jingiakam mar kylliang, hynrei ha ka jingshisha kim don jingiakam ba mar kylliang ha ka jingshisha kam don jingiakajia pud la ong u mytnri rangbah ka jylla u Cornad K Sangma.
