Shillong, Iaiong 07: ka thong jong ka sorkar Meghalaya ban don ia ka Meghalaya Industrial Development Corporation (MIDC) ka long ban kyntiew ia ki kam karkhna ha kane ka jylla Meghalaya bad kum juh ban kyrshan ia kito kiba kwah ban shna ia ki iing basa.
U Assistant General Manager jong ka MIDC u Rikrak C Momin haba jubab ia ki jingkylli kiba la buh da u SP News Agency, la iathuh ba ka MIDC haduh mynta kam pat pynsangeh ka jingiaram, hynrei ka jingairam ban seng kam ka long tang ia ki katto katne ki kam kiba ka MIDC ka sngew dei ban ai.
Ka dei ka jingshisha ba ka MIDC ka shem jingeh ban lum ka ia ka pisa na kito ki nongshimram namar kane ka dei ka jong ka sorkar kam lah ban leh kum ba seng bei pisa bym dei jong ka sorkar, la iathuh ba ka jingioh lum ia ka pisa kaba la ai ram sha ki briew ka long tang kumba 70%.
Ka jingairam jong ka MIDC ka shong ha ka jingbei pisa ka sorkar jylla, ne haba ki ioh na ka IDBI ne na ka SIBI kine ki juh kyrshan iaka MIDC ha ki por kiba la leit, hynrei kine ruh mynta kila sdang ban kynran dien bad ki iarap bei pisa tang ia ki katto katne ki jaid kam.
Haba phai sha ka jingdon ki nongtrei hapoh jong ka MIDC mynta kila hiar sha ka 50% na kaba juh don mynta shuwa ha baroh lai tylli ki jaka trei kam, kaba ha Shillong, Tura bad Jowai, ka daw jong ka jingpynduna ia ki nongtrei ka long ba ha don ba shong thait kum thung birew shuh bad ia kato ka kam la ai ban peit noh ha kiba dang don ha ka kam.
