Shillong, Rymphang 20: Mynta ka sngi ki pulit jong ka Umroi Police outpost ha dien ba kila ioh jingtip kila bat ia kawei ka trok kaba don ia u number JK02-CD-0188 ha kyrdeng na kane ka trok la ioh ban kurup haduh 33 song u Ganja.
Ha kane ka jingioh kurup ia u ganja na ka liang jong ki pulit kila kem ia u nongniah ia kane ka trok ia kaba la tip kum u Manmeet Singh 33 snem ka rta, na ka liang jong ki pulit ki dang pynlong ia ka jingtohkit ban lap shuh shuh ia kiba don kti ha kane ka kam khaii Ganja beain.
Wat la ki pulit kim shym la kdew naei kane ka trok ka wan hynrei na ka rukom song ia ki Ganja ka don ka jingsuba ba une u Ganja u wan na ka jylla Manipur ong ki lad khubor jong ki pulit ka jingthohkit kala iaid shakhmat.
